Презентация - Әти, әни һәм мин - сәламәт гаилә

Татарстан Республикасы Азнакай муниципаль районы Карамалы авылы гомуми урта белем бирү мәктәбе муниципаль бюджет белем бирү учреждениесе
Әти, әни һәм мин- сәламәт гаилә.
Эшләде: Карамалы гомуми урта белем бирү мәктәбенең 3нче сыйныф укучысы Багманова Лилия

Минем гаиләм - минем терәгем
Гаилә - баланың бәхете, Гаилә - һәркемнең теләге, Гаилә төзиләр күбесе, Гаиләдә яшәү күңелле. Гаилә учагы бик җылы , Өйгә кергән кояш нуры . Үзе якты, үзе нурлы

Исәнмесез, таныш булыйк Без өч бертуган: Радик, Раил, Лилия Үзебезнең гаилә турында Сөйләп бирәбез менә.

Әниебезнеңисеме Раушан буладыр. Исеме дә, җисеме дә Гүзәллеккә иядер

Әтиебез Рифгать атлы, Белмәсәгез белегез. Көчле, характеры ныклы, Яшәгез сез гел тигез.

Шактый еллар моннан элек Алар бергә кавыша. Таһир белән Зөһрә кебек, Алар антлар алыша.

Икесе дә эшкә җитез, Юк уфтанып торулар. Ныклы булсын диеп нигез, Зур планнар коралар.

Әтиебез оста куллы Эшләмәгән эше юк Кулы эшкә ятып тора Могҗизалар тудыра.

Әниебез дә бик уңган, Матур гөлләр үстерә. Ул утырткан яшелчәләр, Шаулап үсеп утыра. Умарта кортлары да Әнине яраталар, Үзләрен караганда, Чагып та карамыйлар. Аның пешергән ризыкларын, Бик яратып ашыйбыз. Тел йотарлык ризыкларны Ашамый ничек түзик.

Әти-әни, әби-бабайларга Зур куанычлар өстәп Бу дөньяга без туганбыз Фәрман булган ди , өстән.

Нур өстенә нур өстәп, Киткән бәбәй туйлары, Сыгылып торган ди өстәл, Пешкән бәлеш, куйлары...

Мәшәкатьле сөенечләр белән Көн артыннан көн үткән, Башта мүкәләп булса да, Тәпиләп йөреп киткәнбез.

Көндә һөнәр арттырулар Өстәлә барды диләр, Ел артыннан ел үткәнне Сизми дә калдык диләр.

«Сәламәт тәндә-сәламәт рух»,-дип Яшибез гаиләбез белән.

Нәсел агачыбызның бер тармагы.

Гаиләбезнең горурлыгы - Әби белән бабабыз. Без аларны яратабыз Һәм бик хөрмәт итәбез.

Шау-гөр килеп менә шулай Яшәп ятабыз бергә. Ышанмасагыз кунакка Бер килегез әле безгә.