Презентация - Зордук зомбулук

Тарбиялык саат 10-класс Класс жетекчиси: Курбанов Р

1-тапшырма Сүрөттү карап, бүгүнкү сабактын темасын болжолдоп көргүлө. Сабактын темасы:

Сабактын темасы: Зордук-зомбулук Сабактын максаты: 1. Зордук-зомбулуктун түрлөрүн билишет; 2. Зордук-зомбулуктун кесепеттерин түшүнүшөт; 3.Өз ойлорун ээн-эркин айта алышат,жаза алышат.

1-тапшырма Класстер түзгүлө.

кемсинтүү
багынтуу
көзөмөлдөө
коркутуу
зордук-зомбулук
Уруп- сабоо
ыйгаруу
шантаждоо
үстөмдүк кылуу
шек келтирүү
кордук көрсөтүү

2-тапшырма Суроолорго жооп бергиле 1.Зордук-зомбулуктун негизги себептери эмнеде?______________________ 2.Зордук-зомбулуктун адамга кандай таасирлери бар?___________________

Зордук-зомбулуктун себептери: • аракечтиктин, баңгиликтин коомдо жайылышы; • моралдык кризис; • маданияттын кризиси; • Зордук-зомбулуктун көрүнүшүнтөрүн, террористтик актыларды, ташбоордук маданиятты коомдо пропагандалоо жана ММК аркылуу демонстрациялоо; • зордук-зомбулуктун чыгыш себептери үй-бүлөдө да жатат.

Зордук-зомбулуктун чыгыш себептери үй-бүлөдө да жатат: Материалдык кыйналыш: үй-бүлө мүчөсүнүн бирөөсүнүн жумушсуздугу, там салуу көйгөйүнүн чечилбегендиги, үй-бүлө мүчөсүнүн бирөөсүнүн аракечтикке берилгендиги жана ичимдик ичкендиги; үй-бүлө мүчөсүнүн бангиликке берилгендиги, толук эмес үй-бүлө; үй-бүлөдөгү өгөй ата жана өгөй эне; инвалид бала же ден-соолугунда кандайдыр бир көйгөйү бар үй-бүлө; көңүлгө туура келбеген бала…

3-тапшырма
Сөздөрдү манисине карай туташтыргыла
Эмоционалдык.- үй-бүлө мүчөсү тарабынан үй-бүлө мүчөсүн үй-бүлөлүк бюджетти колдонуудан ажыратып салуу, акчалуу болуу жана аны каалагандай колдонууга укук алуу, жашы жете элек өспүрүмдөргө экономикалык жактан кысым көрсөтүү ж.б.
Экономикалык.-үй-бүлө мүчөсүнүн бирөөсүнө шек келтирүү, ошондой эле башка бирөөлөр тарабынан өспүрүмдөрдүн жыныстык жактан жетишпегендигине кол салуу.
Сексуалдык.– бул атайын билип туруп ден-соолукка зыян келтирүү, физикалык оордук келтирүү, эркиндиктен, тамдан, тамак-аштан, кийим кечеден жана башка турмушка керектүү болгон шарттардан ажыратуу ж.б
Физикалык.-бул бир гана коркутуу- үркүтүү, опузалоо, башкалардан бөлүп коюу эмес, анын жеке ар-намысына жана кадыр-баркына шек келтирүү, ырайымсыздык; башка адамдардын алдында кемсинтүү; жаш баланын же аялдын дарегине сын айтуу жана башкалар

4-тапшырма Зордук-зомбулуктун кыйыр таасирлерин байкаганча тексти окугула

- Зордук-зомбулукка туш болгон бала өмүр бою ичинде нааразычылык сезимдерин топтой берет. Аракка берилип, кылмыштуу дүйнөгө аралашып кеткен учурлар көп кездешет. Анткени алар мындай жүрүм-туруму менен коомдон өч алгысы келет. Аларда "эмнеге башкалардын балалыгы жакшы болгон, эмнеге меники зомбулукта өткөн?" деген сезим бар. Ошентип алар коомдон өч алгысы келет, кылмышкерлер, аракечтер, баңгилер чоңойот. Эгерде турмуш курса ажырашуулар болушу мүмкүн. Анткени балдар бири-бири менен туура сүйлөшкөндү, мамиле түзгөндү билбей, алар үчүн уруп-сабоо, кыйкыруу, жаман сөз айтуу көнүмүш адат болуп, тынч жашоону элестете албай калышат. Ата-энесинин жаман адаттарынын баары кийин баланын жашоосунда кайталанып, чынжыр сыяктуу айланып турат. Коомдогу көп бактысыз адамдардын катмарын балалык кезде зомбулук көргөндөр түзөт. Өзүнө-өзү ишенбеген, бактысыз, нааразы адамдар көбөйүп, психологиялык гана эмес, физиологиялык да оорулар пайда болот. Ал тургай онкологиялык оорулардын таржымалы да кээде зомбулукка барып такалат. Жалпысынан алганда, жашоосунда оор зомбулукту же кемсинтүүнү башынан өткөргөн наристе эле эмес, чоң адамдын да саламаттыгы начарлап, өмүрү кыскарат дешет адистер. Эгерде буга чылым тартуу, начар билим, жакырчылык, ар кандай жугуштуу оорулар кошулса, анда адамдын клеткалары тез эле картайып, ДНКсы өзгөрөрүн ньюйорктук илимпоздор да белгилешти.

Төмөндөгү ырастоолордун кайсылары жогорудагы тексттен кездешет (туура жана ката) же кездешпейт.
№.Сүйлөмдөр.Туура - Туура эмес ? Жок
1..Зордук-зомбулукка кабылган адамдардын клеткалары тез картаят..
2..Ата-энесинин жаман адаттарынын баары кийин баланын жашоосунда кайталанат..
3..Оор зомбулук жана кемсинтүү өмүрдү кыскартат..
4..Зордук-зомбулуктун чыгыш себептери үй-бүлөдө да жатат..
5..Зордук-зомбулук көргөндөр тынч жашоону элестете алышпайт..

Кырдаалдарга жараша импривизация (көрүнүш) даярдагыла 1-кырдаал Сенден көчө балдары акча талап кылып жүрүшөт. Мектептин соцпедагогуна кайрыл.

2-кырдаал Сен класс жетекчисиң, классыңда мурдатан жакшы окуп жүргөн окуучуңдун билими төмөндөй баштаганын жана жүрүм-турумунда да өзгөрүүлөр байкалганын сездиң. Окуучуң менен сүйлөш.

3-кырдаал Сен мектептин соц.педагогусуң. Окуучуларга зордук-зомбулук жөнүндө маалымат бер.

Үйгө тапшырма
№.Зордук-зомбулуктун себептери.Зордук-зомбулуктун кесепеттери
..

Эске туткула! Өз баласына ырайымсыз мамиле кылган ата-энени эч нерсе актай албайт. Бала кул эмес, ата-эне мырза эмес. Бала жана ата-эне бирдей укукка ээ, анын ичинде, коркунучтан жана зордук-зомбулуктан сыртта болууга укуктуу.